कर्जन्हा नपा–३ का नौ वर्षीय बालक अभिषेक सदाको हत्या गरेको कसुरमा जिल्ला अदालतले मृतकका ३० वर्षीया सौतेनी आमा कौशिला सदालाई चैत १७ गते जन्मकैदको फैसला गरेको छ ।
न्यायाधीश सुदर्शनराज पाण्डेको एकल इजलासले सो फैसला गरेको सरकारी वकिल एकराज अधिकारीले बताए ।
अधिकारीका अनुसार मृतकका ३२ वर्षीय बाबु श्रीप्रसाद सदालाई ६ महिना कैदको फैसला गरिएको छ ।
आरोपितहरुले ०७५ साउन २२ गते बालकलाई हत्या गरेको आरोपमा इलाका प्रहरी कार्यालय मिर्चैयाले साउन २३ गते आरोपितहरुलाई गिरफ्तार गरेको थियो ।
इलाका प्रहरी कार्यालय मिर्चैयाले आरोपितहरुले बालकको हत्या गरी शव जलाएको सूचना स्थानीयहरुबाट आएपछि आरोपितहरुबिरुद्ध साउन २३ गते प्रहरी प्रतिवेदनमा उजुरी दर्ता गरी कारवाही प्रक्रिया अगाडि बढाएको थियो ।
शव जलेका कारण पोष्टमार्टम हुन नसकेको थिएन । जिल्ला अदालतको भदौ १९ गते आदेशमा आरोपित श्रीप्रसाद १० हजार धरौटीमा रिहा भएका थिए भने कौशिला पुर्पक्षको लागि थुनामा रहेकी थिइन् ।