रेडियो धनुषाधाममा कार्यरत पत्रकार धनुषा जिल्ला धनुषाधाम नगरपालिका–५ का २३ वर्षीय गोविन्द यादवमाथि कर्जन्हा नगरपालिका–७ मरेवा टोलमा आरसिसि ढलानको रिपोटिङ्ग गर्ने क्रममा वडा अध्यक्ष ५१ वर्षीय रामसेवक यादव र उनका छोरा २१ वर्षीय गिरिजा यादवले ०८३ असार ११ गते कुटपिट गरे । पीडितले आरोपितहरु विरुद्ध इलाका प्रहरी कार्यालय मिर्चैयामा असार १२ गते उजुरी दिएका छन्।
ढलानको विषयमा स्थानीय र वडा अध्यक्ष बीचको विवाद हुँदा समाचार सङ्कलन गरिरहेका पत्रकार यादवमाथि वडा अध्यक्ष र उनका छोराले कुटपिट गर्नुका साथै उनको मोबाइल समेत फुटाइ दिएको पीडितले बताउनु भयो ।
आरोपितहरु फरार रहेकोले खोजतलास गरिरहेको र घटनासम्बन्धमा अनुसन्धान भइरहेको इलाका प्रहरी कार्यालय मिर्चैयाका डिएसपी पुरुषोतम पाण्डेले बताउनु भयो ।