१४ वर्षीया बालिकालाई विभिन्न प्रलोभन देखाई भारत लैजादै गरेको कसुरमा जिल्ला अदालत रुपन्देहीले २७ वर्षीय विक्रम लोधलाई एक वर्ष कैद सजाय गर्ने फैसला गरेको छ ।
जिल्ला अदालतका न्यायाधीश इन्द्र बहादुर कठायतको ०८३ वैशाख २७ गतेको इजलासले कसुर ठहर गर्दै आरोपितलाई एक वर्ष कैद सजायको फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले पीडितलाई ०८२ असार ३ गते विभिन्न प्रलोभन देखाएर भारत लैजादै गर्दा प्रहरीले उद्दार गरेको भन्दै पीडित पक्षले असार ४ गते जिल्ला प्रहरी कार्यालय, रुपन्देहीमा मानव बेचविखन तथा ओसार पसार सम्बन्धी कसुरमा उजुरी दिनुभएको थियो । प्रहरीले आरोपितलाई असार ३ गते वेलहियाबाटै गिरफ्तार गरेको थियो ।
पीडितको स्वास्थ्य परीक्षण असार ३ गते भिम अस्पताल भैरहवामा गरिएको थियो ।