चार वर्षीया बालिकालाई बलात्कार गरेको कसुरमा जिल्ला अदालत पाल्पाले १३ वर्षीय बालकलाई नौ महिनाका लागि बालसुधार गृह भैरहवा पठाउने फैसला गरेको छ ।
जिल्ला अदालतका न्यायाधीश हरिप्रसाद शर्मा उपाध्यायको ०८३ वैशाख २९ गतेको इजलासले आरोपितलाई कसुर ठहर गर्दै उक्त फैसला सुनाएको जिल्ला अदालतका श्रेस्तेदार केशव पराजुलीले बताउनुभयो ।
आरोपितले बालिकालाई ०८३ वैशाख ५ गते बलात्कार गरेको भन्दै पीडित पक्षले वैशाख ८ गते जिल्ला प्रहरी कार्यालय पाल्पामा उजुरी दिएका थिए । प्रहरीले आरोपितलाई वैशाख ८ गते घरबाटै गिरफ्तार गर्यो । पीडितको स्वास्थ्य परीक्षण वैशाख ८ गते पाल्पा अस्पतालमा गरिएको थियो ।