आर्थिक अवस्था कमजोर भएर कानुनी प्रकृयामा जान समस्या परेकी १३ वर्षीया बलात्कार घटनाको पीडित बालिकालाई इन्सेक लुम्बिनी प्रदेश कार्यालय नेपालगञ्जले संरक्षण परियोजना अन्तर्गत मानव अधिकार सहायता कक्ष मार्फत ०८२ चैत ९ गते आर्थिक सहयोग प्रदान गरेको छ । इन्सेक बर्दिया प्रतिनिधिले बालिकाका आफन्तलाई न्यायमा पहुँचका लागि १० हजार रुपियाँ हस्तान्तरण गर्नु भएको हो ।
पीडित बालिकालाई फागुन १५ गते ११ वर्षीय र १५ वर्षीय बालकले बलात्कार गरेको भन्दै पीडित पक्षले फागुन १५ गते इलाका प्रहरी कार्यालय, पाताभारमा उजुरी दिएका थिए।
घटनाका आरोपितलाई प्रहरीले फागुन १५ गते गिरफ्तार गरेको थियो । पीडित बालिकाको स्वास्थ्य परीक्षण फागुन १५ गते बर्दिया अस्पताल गुलरियामा भएको थियो ।
जिल्ला सरकरी वकिलको कार्यालय, बर्दियाले फागुन २९ गते बर्दिया जिल्ला अदालतमा जबर्जस्ती करणीको अभियोगमा मुद्धा दर्ता गरेको थियो । अदालतको फागुन १८ गतेको न्यायाधीश मनोज श्रेष्ठको इजलासले दुबैजना बालकलाई बाल सुधार गृहमा पठाउने आदेश भएको छ ।