दमक नगरपालिका- ६ स्थित थानारोडमा रहेको इलाका प्रहरी कार्यालय दमकबाट आन्दोलनका क्रममा ०८२ भदौ २३ गते लुटिएको हतियार प्रहरीले फेला पारेको छ ।
दमक नगरपालिका- १ सुकुम्बासी बस्तीमा बस्ने डेकबहादुर थापाको घरभित्र गाडिएको अवस्थामा प्रहरीले दमकबाट लुटेको हतियार सर्ट गन फेला पारेको हो ।
थापाको घरभित्र हतियार लुकाइ राखेको भन्ने गोप्य सूचनाको आधारमा गाडिएको अवस्थामा सर्ट गन फेला परेको डिससपी किशोर लम्सालले बताउनु भयो ।
थापाको घरभित्र गाडिएको अवस्थामा सर्ट गनको बटको भागमा १३२०४४७ नम्बर लेखिएको सर्टगनको बटको भाग थान–१ बेसाबुत हतियारको पार्टपुर्जा बालुवाले पुरेर राखेको अवस्थामा फेला परेको डिएसपी लम्सालले बताउनु भयो ।
फेला परेको सर्ट गन हतियार भदौ २४ गतेको जेनजी आन्दोलनको क्रममा इलाका प्रहरी कार्यालय दमकबाट लुटेर लगेको अभिलेखबाट देखिएको प्रहरीले जनाएको छ ।