मोरङमा रहेका बाढी प्रभावितहरूको अवस्था तथा सीमा क्षेत्रको मानव अधिकाको विषयमा राष्ट्रिय मानव अधिकार आयोगको टोलीले असोज १३ गते अनुगमन गरेको छ ।
आयोगका सदस्यहरू मोहना अन्सारी, गोविन्द शर्मा पौडेल, मानव अधिकार अधिकृतहरू बासुदेव बजगाईं र श्यामबाबु काफ्ले, आयोगका पूर्वाञ्चल क्षेत्रीय कार्यालयका उप निर्देशक झङ्कर रावलसहितको टोलीले मोरङको बाढी प्रभावित मधुमल्ला, डायनिया, इटहरा क्षेत्रका बासिन्दाको अवस्थावारे जानकारी लिएको छ ।
त्यसैगरी उक्त टोलीले सीमाक्षेत्र मोरङ मायागञ्जमा पुगेर त्यहाँको मानव अधिकारको अवस्थाका बारेमासमेत जानकारी लिएको छ ।
गाउँहरूमा पुगेर शिक्षा, स्वास्थ्य, शौचालय, खानेपानी तथा राज्यले गरेका मानव अधिकारसम्बन्धी कानुनी व्यवस्थाका विषयमा जानकारी दिएको राष्ट्रिय मानव अधिकार आयोगका उप निर्देशक झङ्कर रावलले जानकारी दिए ।
स्थानीय बासिन्दा तथा सरोकारवालाहरूले आयोगसमक्ष थप सहयोग र वर्षैपिच्छे आउने बाढीको समस्याका कारण अब पुनर्स्थापना गर्ने वातावरण बनाइदिन आग्रह गरेको उप निर्देशक रावलले जानकारी दिए ।