साँगुरीगढी गाउँपालिकामा कार्यरत योजना अधिकृत ३८ वर्षीय दोर्ण राईले आफूलाई साँगुरीगढी गाउँपालिका–१ का वडाध्यक्ष ४७ वर्षीय गोविन्द लिम्बूले कात्तिक २७ गते कार्यकक्षमै कुटपिट गरेको आरोप लगाउनु भएको छ ।
सम्झौता नै नगरेको खेलकुद कार्यक्रमको १ लाख रुपियाँ भुक्तान नहुने भनेपछि आफूलाई वडाध्यक्षले ०८२ कात्तिक २७ गते कार्यकक्षमै कुटपिट गरेको पीडित कर्मचारीको भनाइ छ ।
कुटपिटबाट अनुहारमा चोट लागेको पीडित राईको वीपी कोइराला स्वास्थ्य विज्ञान प्रतिष्ठान धरान, घोपामा कात्तिक २७ गतेदेखि उपचार भइरहेको छ ।
गाउँपालिकामा कार्यरत कर्मचारीहरूले ०८२ कात्तिक २७ गते विज्ञप्ति जारी गरेर घटनाको विरोध गरेका छन् ।
साँगुरीगढी गाउँपालिका अध्यक्ष जितेन्द्र रूम्दालीले कर्मचारीमाथि वडाध्यक्षले हातपात गर्नु अशोभनीय भएको बताउनु भयो ।
आरोपित वडाध्यक्ष लिम्बूले योजना अधिकृत राईले उपभोक्ता समितिको रकम भुक्तानी नगरेको र सुमा आफूमाथि नै आक्रमण गरेको बताउनु भएको छ ।