जेनजी आन्दोलनका क्रममा ललितपुरको नख्खु कारागारबाट भागेका कैदी ३९ वर्षीय लालबाबु साहलाई प्रहरीले वीरगञ्ज महानगरपालिका–१० रानीघाटस्थित आफ्नै घरबाट ०८२ कात्तिक ११ गते साँझ गिरफ्तार गरेको छ ।
ललितपुर जिल्ला अदालतले कैदी साहलाई लागु औषध सम्बन्धी कसूर मुद्दामा २ वर्ष १ महिना कैद र १ लाख ५ हजार रुपियाँ जरिबाना तोकेको पर्सा प्रहरीले जनाएको छ ।
साह वीरगञ्जस्थित आफ्नै गाउँघरमा लुकिछिपी बस्दै आएको सूचनाको आधारमा उनकै घरबाट गिरफ्तार गरिएको जिल्ला प्रहरी कार्यालय, पर्साका प्रहरी प्रवक्ता तथा प्रहरी नायव उपरिक्षक हरिबहादुर बस्नेतले बताउनु भयो ।
तुलसी भण्डारी