लेटाङ नगरपालिका–२ फडानी, स्कूल चोककी ११ वर्षीया बालिका घरबाट हराएको १८ दिनपछि जङ्गलमा विभत्स तरिकाले हत्या गरेको अवस्थामा फेला परेकी छन् ।
लेटाङ नगरपालिका–२ फडानीस्थित लक्ष्मी माध्यमिक विद्यालयमा कक्षा पाँच अध्ययनरत बालिका ०८२ असोज २१ गते देखि हराएकी थिइन् ।
लेटाङ–वेलवारी सिमानासँगैको जङ्गल क्षेत्रमा कात्तिक ७ गते विभत्स तरिकाले हत्या गरेको अवस्थामा बालिकाको शव फेला परेको प्रहरीले जनाएको छ ।
बालिका घरबाटै हराएसँगै पीडित परिवारले असोज २१ गते इलाका प्रहरी कार्यालय, लेटाङमा खोजी गरीदिन निवेदन दिएको थियो ।
जङ्गल क्षेत्रमा शव फेला परेपछि प्रहरीले शवको मुचुल्का उठाएको छ ।
शवको पोष्टमार्टम वीपी कोइराला स्वास्थ्य विज्ञान प्रतिष्ठान धरान, घोपामा कात्तिक ८ गते गरिने प्रहरीले जनाएको छ ।
कोशी प्रदेश कार्यालय