शैलुङ गाउँपालिका–८ का १० वर्षीय कुशल बिकको हत्या गरेको कसुरमा २५ वर्षीय काका उमेश बिश्वकर्मालाई जिल्ला अदालतले पुस १३ गते जन्मकैद (२५ वर्ष) को फैसला सुनाएको हो ।
न्यायाधीश तेजबहादुर खड्काको इजलासले सो फैसला गरेको जिल्ला अदालतले जनाएको छ । उनलाई अदालतले ०७५ असोज २१ गते कर्तव्य ज्यान मुद्दामा पुर्पक्षका लागि थुनामा पठाएको थियो ।
गत भदौ २७ गते ‘बेपत्ता’ भएका कुशल बिश्वकर्माको शव १५ दिन पछि असोज १० गते शैलुङको भैसेडाडामा फेला परेको थियो । शव फेला परेको भोलिपल्ट नै प्रहरीले उमेश विश्वकर्मालाई गिरफ्तार गरी घटनाको अनुसन्धान गरेको थियो ।