गुर्भाकोट नपा–६ की ३३ वर्षीया भुमी विसीलाई कुटपिट गरी घरको तलाबाट खसालेको आरोपमा प्रहरीले ३६ वर्षीय पति अर्जुन केसीलाई मङ्सिर ११ गते गिरफ्तार गरेको छ ।
पीडितका बुबा वीरबहादुर विसीले मङ्सिर ११ गते प्रहरी चौकी मेहेलकुनामा ज्यान मार्ने उद्योगमा उजुरी दिएपछि आरोपितलाई अनुसन्धानका लागि गिरफ्तार गरिएको प्रहरीले जनाएको छ ।
पतिले घरायसी विषयमा भएको विवादमा मङ्सिर ११ गते बिहान कुटपिट गरी घरको तलाबाट खसालेपछि पीडितको दाहिने आँखा र टाउकोमा चोट लागेको छ । पीडितको उपचार मेडिकल कलेज नेपालगञ्जमा भइरहेको छ ।
आरोपितले पत्नीलाई यस अघिपनि पटकपटक कुटपिट गर्ने गरेको मेहेलकुना प्रहरी चौकीका इञ्चार्ज सर्वजित बलेलीले जानकारी दिए ।