जिरी नगरपालिका–९ ठुलोपातलकी ३३ वर्षीया पत्नी राममाया तमाङको हत्या गरी फरार भएका ३५ वर्षीय पति तस्बिर तमाङलाई मङ्सिर १२ गते प्रहरीले रामेछापबाट गिरफ्तार गरेको जनाएको छ ।
मङ्सिर १० गते बेलुकी पति पत्नीबिच झगडा हुँदा काठको मुस्ली (आग्लो) ले टाउको, अनुहार र शरीरमा प्रहार गरी मारेर तस्बिर तमाङ फरार रहेका थिए ।
आरोपित तस्बिर तमाङलाई दोलखा र रामेछापको प्रहरी टोलीले खोजतलास गर्ने क्रममा रामेछाप जिल्ला मन्थली नगरपालिका–१ भैसेश्वर भन्ने ठाउँमा बस चेकजाँच गर्ने क्रममा गिरफ्तार गरेको जिल्ला प्रहरी कार्यालय, दोलखाका इन्स्पेक्टर माधवप्रसाद काफ्लेले बताए ।
शवको पोष्टमार्टम मङ्सिर ११ गते जिरी अस्पतालमा गरिएको प्रहरीले जनाएको छ ।