११ वर्षीया बालिकालाई यौन दुर्व्यवहार गरेको कसुरमा जिल्ला अदालत रुपन्देहीले बुटवल उपमहानगरपालिका–१२ तामनगरका ४८ वर्षीय विष्णु प्रसाद ढकाललाई तीन महिना कैद सजायको फैसला गरेको छ ।
जिल्ला अदालतका न्यायाधीश अशोक कुमार बस्नेतको ०८२ भदौ ८ गतेको इजलासले आरोपितलाई कसुर ठहर गर्दै तीन महिना कैद, १० हजार रुपियाँ जरिबाना, ३० हजार रुपियाँ पीडितलाई आरोपित मार्फत क्षतिपूर्ति भराइदिने र ४ सय रुपियाँ पीडित राहत कोषमा दाखिला गर्ने फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले बालिकालाई ०८२ जेठ १ गते यौन दुर्व्यवहार गरेको भन्दै पीडित पक्षले जेठ १ गते इलाका प्रहरी कार्यालय, बुटवलमा उजुरी दिएका थिए । पीडितको स्वास्थ्य परीक्षण जेठ १ गते लुम्बिनी प्रादेशिक अस्पताल बुटवलमा भएको थियो । प्रहरीले आरोपितलाई जेठ १ गते तामनगरबाटै गिरफ्तार गरेको थियो ।