उर्लाबारी नगरपालिका–१ मेचीडाँगीमा विषाक्त च्याउ खाँदा एकै परिवारका पाँच जना बिरामी भएका छन् ।
उर्लाबारी नगरपालिका–१ का मेचीडाँगीका ६९ वर्षीय लालबहादुर खड्काको परिवारका सदस्यहरू विषाक्त च्याउ खाँदा बिरामी भएका हुन् ।
प्रहरीका अनुसार जङ्गलबाट टिपेर ल्याएको च्याउको तरकारी बनाएर खाँदा ०८२ साउन २५ गते राति एकै परिवारका पाँच जना बिरामी भएका हुन् ।
बिरामी पर्नेमा ६९ वर्षीय लालबहादुरसहित उनकी पत्नी ६८ वर्षीया पवित्रा खड्का, छोराहरू ४२ वर्षीय शेरबहादुर खड्का, ३८ वर्षीय जङ्कबहादुर खड्का र बुहारी २४ वर्षीया जानुका खड्का रहेका छन् ।
बिरामीहरुको झापाको दमकस्थित आम्दा अस्पतालमा उपचार भइरहेको छ ।