१३ वर्षीया बालिकलाई यौन सम्बन्धका लागि प्रलोभन देखाएको आरोपमा प्रहरीले ३६ वर्षीया प्रमिला विश्वकर्मालाई ०८२ साउन २१ गते गिरफ्तार गरेको छ ।
सरकारी कार्यालयमा कार्यालय सहयोगी पदका कार्यरत प्रमिला विश्वकर्माले हाकिमसँग यौन सम्बन्ध राख्नका लागि ०८२ साउन ११, १५ र १७ गते बालिकालाई प्रलोभन देखाएको आरोपमा पीडित बालिकाले आरोपितविरुद्ध साउन २१ गते जिल्ला प्रहरी कार्यालयमा उजुरी दिएकी थिइन् ।
पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर विक्रमबहादुर भट्टराईले बताउनु भयो ।
आरोपित प्रमिला विश्वकर्माले बालिकालाई हाकिम सरसँग यौन सम्बन्ध राख्नका लागि कम्प्युटर सिकाइदिने, जागिर लगाइदिने, नयाँ मोवाइल किन्दिनेलगायतका प्रलोभन दिएको इन्स्पेक्टर भट्टराईले बताउनु भयो ।
आरोपितले बालिकालाई फकाएको २५ मिनेट लामो अडियो रेकर्डसमेत फेला परेको प्रहरीले जनाएको छ । प्रहरीले कानुनी कारबाही अघि बढाएको छ ।