२० वर्षीया युवतीलाई बलात्कार गरेको आरोपमा सितगङ्गा नगरपालिका–४ का ४१ वर्षीय मानबहादुर थापाविरूद्ध असोज १४ गते इलाका प्रहरी कार्यालय ठाडामा उजुरी दर्ता गरिएको छ ।
पीडित युवतीलाई आरोपितले जेठ २ गते बलात्कार गरेको र बलात्कारबाट गर्भसमेत रहेको भन्दै पीडित पक्षले असोज १३ गते उजुरी दिएको प्रहरीले जनाएको छ ।
पीडित युवतीको स्वास्थ परीक्षण असोज १४ गते जिल्ला अस्पतामा गरिएको र फरार रहेका आरोपितको खोजी कार्य भइरहेको जिल्ला प्रहरी कार्यालयका इन्स्पेक्टर गम्भीरजङ्ग थापाले बताए ।