१३ वर्षीया बालिकालाई यौन दुर्व्यवहार गरेको आरोपमा पीडित बालिकाले प्रतिकार स्वरूप रड प्रहार गर्दा ६५ वर्षीय हजुरबुबाको मृत्यु भएको प्रहरीले जनाएको छ ।
प्रहरीका अनुसार पीडित बालिकालाई आरोपितले भदौ २८ गते बिहान जङ्गलमा घाँस काट्न जाने बेलामा यौन दुर्व्यवहार गरेपछि फुत्केकी थिइन् । त्यसपछि घरमा गई फलामको रड ल्याएर रड प्रहार गर्दा आरोपितको मृत्यु भएको पीडित बालिकालाई उद्घृत गर्दै प्रहरीले जनाएको छ ।
आरोपितलाई रड प्रहार गरेलगत्तै पीडित बालिका रामेछाप प्रहरी समक्ष आत्मसमर्पण गर्न आएको प्रहरीले जनाएको छ ।
घटनाको सुक्ष्म अनुसन्धान भइरहेको जिल्ला प्रहरी कार्यालयका डिएसपी अमरेन्द्रबहादुर सिंहले बताए । शवको पोष्टमार्टम जिल्ला अस्पतालमा गरिएको प्रहरीले जनाएको छ ।