नौ वर्षीया बालिकालाई बलात्कार गरेको कसुरमा पौवादुङ्मा गाउँपालिका–३ का ७० वर्षीय मानबहादुर बोहरालाई जिल्ला अदालतले भदौ २१ गते ११ वर्ष कैदसहित ७५ हजार रूपियाँ क्षतिपूर्तिको फैसला गरेको छ ।
न्यायाधीश हरिश्चन्द्र इङ्नामको इजलासले उक्त फैसला सुनाएको जिल्ला अदालतका सूचना अधिकारी मणीराम पोखरेलले बताए ।
पीडित पक्षले ओरोपितविरूद्ध जेठ २६ गते दिएको उजुरीका आाधारमा जेठ २७ गते गिराफ्तार गरी कारबाही अघि बढाएको थियो । पीडित बालिकाको स्वास्थय परीक्षण सोही दिन गरिएको जिल्ला प्रहरी कार्यालय भोजपुरका इन्स्पेक्टर चरित्रविक्रम कार्कीले बताए ।