१४ वर्षीया बालिकालाई यौन दुर्व्यवहार गरेको आरोपमा विराटनगर महानगरपालिका–५ का शम्भु पाण्डेविरूद्ध पीडितका आफन्तले साउन १७ गते जिल्ला प्रहरी कार्यालय मोरङमा उजुरी दिएका छन् ।
पीडित बालिकालाई आरोपितले साउन १५ गते यौन दुर्व्यवहार गरेको पीडितका बावुले जानकारी दिएका छन् ।
छोरीमाथि ‘बलात्कार प्रयास’ हुँदा आरापितलाई सहयोग गरेको भन्दै पीडितका बावुले आफ्नै ४३ वर्षीया पत्नीविरुद्ध पनि उजुरी दिएको बताए । जिल्ला प्रहरी कार्यालयले पीडित बालिकाकी आमालाई उजुरी लगतै गिरफ्तार गरी अनुसन्धान गरीरहेको इन्सपेक्टर जमुना बस्नेतले बताइन । बालिकाको स्वास्थ्य परिक्षण साउन १८ गते कोसी अचल अस्पताल विराटनगरमा गरिएको छ ।