पोखरा मनपा–२७ की ५५ वर्षीया सुन्तली कुमाललाई गैँती प्रहार गरी हत्या गरेको आरोपमा प्रहरीले ६३ वर्षीय पति कमल कुमाललाई साउन १४ गते गिरफ्तार गरेको छ ।
घरायसी विवादका क्रममा साउन १४ गते दिउँसो कुमालले पत्नीलाई गैँती प्रहार गर्दा पत्नीको मृत्यु भएको जिल्ला प्रहरी कार्यालय, कास्कीका डिएसपी रविन्द्रमान गुरुङले बताए ।
गुरूङका अनुसार कुमालले मादक पदार्थ सेवन गरी दिउँसो करिब २ बजे पत्नीलाई गैँतीले प्रहार गरेका थिए । गैँती प्रहारबाट घाइते भएकी सुन्तलीको सामुदायिक अस्पताल शिशुवामा उपचारका क्रममा करिब साढे २ बजे मृत्यु भएको प्रहरीले जनाएको छ ।
आरोपित कुमाललाई घटना लगत्तै गिरफ्तार गरी अनुसन्धान गरिरहेको जिल्ला प्रहरी कार्यालय कास्कीले जानकारी दिएको छ ।