पीडितको न्यायको अधिकार सुनिश्चित गर : इन्सेक

अनौपचारिक क्षेत्र सेवा केन्द्र (इन्सेक) ले ०८२ मङ्सिर ५ गते  जारी गरेको विज्ञप्तिमा १० वर्ष लामो सशस्त्र द्वन्द्वको अन्त्य भएको २० वर्ष भएको भए पनि विस्तृत शान्ति सम्झौतामार्फत गरिएका प्रतिबद्धताहरूमध्ये द्वन्द्वपीडितका न्यायसम्बन्धी सवालहरू आजसम्म पनि सम्बोधन हुन नसकेकोमा चिन्ता जनाएको छ । द्वन्द्वपीडितका सरोकार तथा उनीहरूमाथि भएको अन्यायको निरूपण, न्याय सुनिश्चितता, परिपूरण तथा संस्थागत सुधार गर्नेतर्फ ठोस प्रगति हुन नसकेको भन्दै समयमै टुङ्गो नलगाउँदा यो प्रकृया दिनप्रतिदिन गिजोलिँदै गएको उल्लेख गरेको छ ।

इन्सेकका अध्यक्ष विजयराज गौतमद्वारा हस्ताक्षरित विज्ञप्तिमा देशको राजनीतिक सङ्क्रमणका कारण यो विषय अझ कम प्राथिमकतामा पर्ने हो की भन्ने चिन्ता बढ्न थालेको उल्लेख छ ।

 अनलाइन डेस्क