लहान नगरपालिका–२४ का १९ वर्षीय अभिषेक पासवानलाई इलाका प्रहरी कार्यालय लहानको हिरासतमा प्रहरीले यातना दिएको भन्दै पीडितले ०८३ जेठ २२ गते जिल्ला प्रहरी कार्यालय सिरहामा उजुरी दिएका छन् ।
पासवानले आफूलाई ‘सोधपुछ गर्नु पर्नेछ’ भन्दै प्रहरीले जेठ २१ गते इलाका प्रहरी कार्यालय लहानमा ल्याई कुटपिट तथा मानसिक यातना दिएको आरोप लगाएका छन् । गाउँकै युवकसँग बालिका भगाएको विषयमा पासवानको संलग्नता रहेको आरोप लगाइ “बालिकालाई तेरो साथीले कहाँ लुकाएर राखेको छ ?’ भन्दै रातभर प्लाष्टिकको पाइपले कुटपिट गरेको पीडितले बताए ।
कुटपिटबाट उनको दुवै खुट्टा, हातमा चोट लागेको छ । युवकसँग सामान्य सोधपुछ मात्र गरेको प्रहरीको दाबी गरेको छ ।
पासवानसँग सोधपुछ गरेर भोलिपल्ट परिवारको जिम्मामा छोडिएको जिल्ला प्रहरी कार्यालय सिरहाका डिएसपी रमेशबहादुर पालल बताउनुभयो ।