विराटनगर महानगरपालिका–१४ रानीका ३८ वर्षीय पत्रकार पवनकुमार शाहले समाचारको विषयलाई लिएर विराटनगर महानगरपालिका–१३ सैनिक टोलका ४२ वर्षीय जितेन्द्रबहादु खड्काले धम्की दिएको आरोप लगाउनु भएको छ ।
विराटनगर महानगरपालिका–१३ मा सडक निर्माण भइरहेको विषयमा अनियमिता भएको बारेमा समाचार सङ्कलनका क्रममा आरोपितले सर्टको कलर समातेर धम्की दिएको पीडित पत्रकारको आरोप छ ।
आरोपितविरूद्ध पीडित पत्रकारले ०८२ फागुन ८ गते इलाका प्रहरी कार्यालय, रानीमा उजुरी दिनु भएको छ ।
धम्की दिएको घटनाको पत्रकार महासङ्घ मोरङ, शाखाले फागुन ८ गते विज्ञप्ति जारी गरी विरोध गरेको छ ।