गौरादह नगरपालिकाका मेयर छत्रपति सुवेदीलाई फागुन २४ गते कुटपिट गरेको आरोपमा प्रहरीले
गौरादह नगरपालिका–५ राजपति चोक चप्रामारीका ३४ वर्षीय भिष्म सिटौलालाई ०८२ फागुन २४ गते गिरफ्तार गरेको छ ।
चुनावमा भएको हारजितको विषयमा घरमै आएर आरोपितले हातपात गरेको मेयर सुवेदीको आरोप छ ।
मेयरलाई घरमै गएर हातपात गरेको विषयमा खबर आएपछि आरोपितलाई अनुसन्धानका लागि गिरफ्तार गरिएको प्रहरी चौकी, महारानीझोडाका असइ चन्द्रबहादुर कार्कीले बताउनु भयो ।
आरोपितलाई अनुसन्धानका लागि इलाका प्रहरी कार्यालय, दमकमा राखिएको छ ।