शिवसताक्षी नगरपालिका-७ शिवालय टोलकी ३० वर्षीया रञ्जना गौतमको खुकुरी प्रहार गरी हत्या गरेको आरोपमा प्रहरीले ४६ वर्षीय पति ओमप्रसाद अधिकारीलाई गिरफ्तार गरेको छ ।
घरायसी विवादका क्रममा आरोपितले ०८१ भदौ ४ गते खुकुरी प्रहार गरी पत्नीको हत्या गरेको आरोपमा प्रहरीले आरोपितलाई भदौ ४ गते गिरफ्तार गरेको हो ।
घरायसी विवादका क्रममा खुकुरी प्रहार गरी पत्नीको हत्यापछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी कृष्णकुमार चन्दले बताउनु भयो ।
शवको पोष्टमार्टम मेची प्रादेशिक अस्पताल, भद्रपुरमा भदौ ५ गते गर्ने तयारी गरिएको छ ।