२६ वर्षीया महिलालाई सामूहिक बलात्कार गरेको आरोपमा प्रहरीले गढवा गाउँपालिका-४ का २१ वर्षीय साहिद अलीलाई असोज २२ गते गिरफ्तार गरेको छ । घटनाका अर्का आरोपित सोही ठाउँका २६ वर्षीय मोहम्मद मुस्लिम फरार रहेको प्रहरीले जनाएको छ ।
पीडित महिलालाई असोज १५ गते बलात्कार गरेको आरोपमा पीडित महिलाले असोज १९ गते इलाका प्रहरी कार्यालय गढवामा उजुरी दिएकी थिइन् ।
फरार रहेका आरोपितको खोजी भइरहेको इलाका प्रहरी कार्यालय गढवाका इन्स्पेक्टर प्रमोद क्षेत्रीले जानकारी दिए । पीडित महिलाको स्वास्थ्य परीक्षण असोज १९ गते लमही अस्पतालमा भएको थियो ।