२५ वर्षीया महिलालाई बलात्कार कसुर गरेको ठहर गर्दै जिल्ला अदालतले ०८१ वैशाख २७ गते मेलम्ची नगरपालिका–४ का ३३ वर्षीय डम्बरबहादुर तमाङलाई ११ वर्ष कैद सजायको फैसला गरेको छ ।
जिल्ला अदालतका न्यायाधीश भगवती शर्मा ढुङ्गानाको इजलासले कसुरदारलाई ११ वर्ष कैद र पीडितलाई ५० हजार रुपियाँ क्षतिपूर्ति भराउने फैसला गरेको जिल्ला बार इकाइका अध्यक्ष भूपेन्द्रबहादुर थिङले बताउनुभयो ।
पीडितलाई कसुरदारले ०७९ पुस १९ गते बलात्कार गरेको भन्दै पीडित पक्षले ०७९ माघ १२ गते इलाका प्रहरी कार्यालय मेलम्चीमा उजुरी दिएको थियो ।
आरोपितलाई जिल्ला अदालतको आदेशले ०७९ फागुन ३ गते पुर्पक्षका लागि थुनामा पठाएको थियो । पीडितको स्वास्थ्य परीक्षण माघ १२ गते प्राथमिक स्वास्थ्य केन्द्र मेलम्चीमा गरिएको थियो ।