१८ वर्षीया युवतीलाई राम्रो जागिर लगाईदिने प्रलोभन देखाएर भारतको गोरखपुर लैजाँदै गरेको आरोपमा प्रहरीले बेलहिया नाकाबाट असार २९ गते ओखलढुङ्गा जिल्ला सिद्धिचरण नपा-५ की २५ वर्षीया निमु शेर्पालाई गिरफ्तार गर्नुका साथै पीडितको उद्धार गरेको छ ।
घटनास्थलबाट पीडित युवतीकी ३० वर्षीया सौतेनी दिदी फरार रहेको जिल्ला प्रहरी कार्यालय, रुपन्देहीका डिएसपी बेलबहादुर पाण्डेले बताए ।
डिएसपी पाण्डेका अनुसार उद्धार गरिएकी युवतीलाई हाल रुपन्देही स्थित एक पुनःस्थापना गृहमा राखी परिवारको जिम्मा लगाउने तयारी भइरहेको छ ।