इन्सेकको पहलमा गठन भएको जिल्लास्तरीय मानव अधिकार निगरानी समूह पाल्पाले स्थानीय तह निर्वाचनको संघारमा मतदाताहरूसँग भेट गरी मतदाता शिक्षाको विषयमा जानकारी लिनुका साथै मत खसाल्न अभिप्रेरित गर्दै पोष्टर वितरणसमेत गरेको छ ।
जेठ ३१ तानसेन नगरपालिकाका नारायण स्थान, मेहल्धारा, भिमसेनटोलमा पुगेर मतदाताहरूमा मतदाता शिक्षा पुगेको नपुगेकोबारे जानकारी लिनुका साथै मतदाताहरूको धारणासमेत सङ्कलन गरिएको समूहका अध्यक्ष भगवान भण्डारीले बताए ।
निगरानी समूहका प्रतिनिधिहरू, मानव अधिकारकर्मीहरू, सञ्चारकर्मीहरूको समूह घरघरमा र टोलटोलमा पुगेर मतदाताहरूसँग भेटेर छलफल गरेका थिए । मतदाताहरूसँगको भेटको क्रममा आफ्नो समुदायमा मतदाता शिक्षा नआएको, आफूहरूले भोट कसरी दिने भन्नेबारे जानकारी समेत नपाएको उनीहरूले बताएका थिए । ‘सदरमुकाम तानसेनमै मतदाताले मतदाता शिक्षा पाउन सकेको अवस्था रहनेछ ।-अध्यक्ष भण्डारीले भने ।
सो अवसरमा समूहले स्वच्छ निर्वाचनका लागि नागरिक अभियानले प्रकाशन गरेको निर्वाचनसम्बन्धी पोष्टरसमेत वितरण गरिएको थियो । निर्वाचन आयोगले मतदाता शिक्षा कार्यकर्ताको रूपमा प्रत्येक वडामा सामाजिक परिचालक र इसिडि शिक्षकलाई खटाएको छ ।