स्थानीय तहको दोस्रो चरणको चुनावको लागि जिल्ला निर्वाचन कार्यालयले कलैयामा जेठ २९ गते आयोजना गरेको मतदान अधिकृतको तालिममा अवरोध पुर्याउन खोजेपछि राजपा कार्यकर्ता र प्रहरीबिच झडप भएको छ ।
कलैयास्थित रामराजा क्याम्पसमा सञ्चालित ४ सय जना सहभागी मतदान अधिकृतको तालिम सुरू हुनासाथ २०/२५ जनाको सङ्ख्यामा पुगेका राजपा कार्यकर्ता र प्रहरीबिच झडप भएको प्रहरीले जनाएको छ । त्यस क्रममा प्रहरीले समान्य लाठी चार्ज गर्दै राजपाका कार्यकर्ताहरूलाई तितरबितर पारेको थियो ।
प्रहरीको लाठी चार्जले ४/५ जनालाई समान्य चोटपटक लागेको राजपाका जिल्ला कार्यकर्ता रमेश सर्राफले बताए ।
झडपपछि सुरक्षाकर्मी परिचालन गरेर कडा सुरक्षाबिच दिउँसोदेखि तालिम सुरू गरिएको जिल्ला निर्वाचन कार्यालयका प्रमुख नरेश सर्राफले बताए ।
उनीहरूको अवरोधले दुई दिनको तालिम एक दिनमै सीमित गरिएको बताइएको छ । राजपाका कार्यकर्ताले कलैयामा महिला विकास कार्यालयको ना२झ २४०२ नम्बर र ना३च ६८८ नम्बरको निजी गाडीमा तोफोडसमेत गरेका छन् ।