गत जेठ १४ गते मध्यरातमा भरतपुर महानगरपालिकाको मतगणनाको क्रममा मत पत्र च्यातेको आरोपमा गिरफ्तार गरिएका माओवादी केन्द्रका दुई जना कार्यकर्ता जेठ १८ गते धरौटीमा रिहा भएका छन् ।
चितवन जिल्ला अदालतले मत पत्र च्यातेको आरोपमा गिरफ्तारमा परेका माओवादी केन्द्रका प्रतिनिधिहरू मधुकर न्यौपाने र द्रोणबाबु शिवाकोटीलाई जनही एक लाख रुपियाँ धरौटी माग गरेकोमा धरौटी रकम वुझाइ उनीहरू रिहा भएका हुन् ।
न्यायाधीश बासु पौडेलको इजलासले न्यौपाने र शिवाकोटीलाई धरौटीमा रिहा गर्ने आदेश दिएको निमित्त श्रेष्तेदार धनीप्रसाद चापागाईले जानकारी दिए ।