बुढीगंगा नगरपलिकामा असार २३ गते हुने निर्वाचन सम्पन्न गर्न कडा सुरक्षा व्यवस्था सहित निर्वाचनका लागि आवश्यक सम्पूर्ण तयारी सम्पन्न भएको छ ।
निर्वाचनलाई स्वच्छ, निस्पक्ष र भयरहित वातावरणमा सम्पन्न गर्न कडा सुरक्षा व्यवस्था सहित निर्वाचनका लागि आवश्यक अन्य तयारीहरु पनि पुरा भएको प्रमुख जिल्ला अधिकारी प्रकाशचन्द्र अधिकारीले इन्सेक प्रतिनिधिसँगको फोन सम्पर्कमा बताउनु भयो ।
उहाँले निर्वाचनलाई स्वाच्छ, निष्पक्ष र भयरहित वातारणमा सम्पन्न गर्ने सबै राजनीतिक दलको सहमति भएको र बुढीगंगा नगरपालिकाका १० ओटै मतदानस्थलमा नेपाल प्रहरी, सशस्त्र प्रहरी र नेपाली सेनाबाट सिनियर अधिकृतको नेत्तृत्वमा पर्याप्त सुरक्षाकर्मी परिचालन गरेको बताउनु भयो ।
सबै पतदान केन्द्रहरुमा मतदान अधिकृत सहित ९५ जना कर्मचारीहरु खटाइएको र निर्वाचनका लागि आवश्यक पर्ने सम्पूर्ण सामग्रीहरु मतदान केन्द्रहरूमा पुगिसकेको मुख्या निर्वाचन अधिकृत माधवप्रसाद धिमिरेले इन्सेक प्रतिनिधिसँगको फोन सम्पर्कमा बताउनु भयो ।
उहाँले निर्वाचनका लागि आवश्यक पर्ने सबै तयारी पुरा भइसकेकोले असार २३ गते बिहान ७ बजेदेखि मतदान कार्य सुरु हुने बताउनु भयो ।
गत वैशाख ३० गते भएको निर्वाचनमा नेपाली कांग्रेस र नेकपा एमालेबिच मतदानस्थलमा बिवाद उत्पन्न भई निर्वाचनमा धाँधली भएको भन्दै मतदान नै स्थगित गरिएको थियो ।
