भगवानपुर गाउँपालिका–४ की ६० वर्षीया आतिकादेवी कामतीलाई कथित बोक्सीको आरोप लगाई अभक्ष कोच्याएको आरोपमा इलाका प्रहरी कार्यालय लहानले सोही ठाउँका ६० वर्षीया कोशिला साह र ३० वर्षीया फुलोदेवी साहलाई असार ११ गते गिरफ्तार गरेको छ ।
असार ११ गते खेतबाट फर्किदै गर्दा आरोपितहरु लगायत ६० वर्षीय राजेन्द्र साह र ३५ वर्षीय महेश लगायतले कथित बोक्सीको आरोप लगाई कुटपिट गरी अभक्ष कोच्याएको पीडित पक्षको आरोप छ ।
आरोपितहरु विरुद्ध इलाका प्रहरी कार्यालय लहानमा असार ११ गते उजुरी दिएको पीडितका पति हरि कामतीले बताउनु भयो ।
इलाका प्रहरी कार्यालय लहानका डिएसपी कुमार प्रसाद मैनालीले घटनाको जानकारी हुनासाथ आरोपितमध्ये दुई जनालाई गिरफ्तार गरेको र अन्य दुई जना फरार रहेकोले खोजतलास भैरहेको बताउनु भयो ।