२७ वर्षीया महिलालाई राम्रो जागिर लगाईदिने प्रलोभन देखाएर भारतको बाटो हुँदै कुवेत लैजाँदै गरेको अवस्थामा माइती नेपालको सहयोगमा बेलहिया नाकाबाट चैत २९ गते साँझ उद्दार गरी भरतपुर महानगरपालिका-१० की ४३ वर्षीया आशमाया पुन मगरलाई गिरफ्तार गरेको छ ।
आरोपितले पीडित महिलालाई राम्रो जागिर लगाई दिने प्रलोभन देखाएर बेचविखनको लागि लैजान लागेको प्रहरीको आरोप छ ।
कुवेत जान हिँडेकी महिलासँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएकोले बेचबिखनका लागि लैजान थालेको र कुवेत पठाउने भन्ने बहाना मात्र भएकोले चैत ३० गते मानव बेचविखन तथा ओसार-पसारसम्बन्धी मुद्दा दर्ता गरी थप अनुसन्धान गरिरहेको जिल्ला प्रहरी कार्यालय रुपन्देहीका डिएसपी बेलबहादुर पाण्डेले बताए ।