१७ वर्षीया बालिकालाई बलात्कार गरेको भरेको आरोपमा दुल्लू नगरपालिका–८ दुल्लू बजारका ४२ वर्षीय हरिप्रसाद आचार्यविरूद्ध चैत २४ गते जिल्ला प्रहरी कार्यालय दैलेखमा उजुरी दर्ता भएको छ ।
बिरामी परेकी पीडित बालिकालाई झारफुक गरिदिने बहानामा आरोपितले चैत २१ गते बलात्कार गरेको पीडित पक्षले दिएको उजुरीमा उल्लेख छ ।
पीडित बालिकाको स्वास्थ्य परीक्षण दैलेख जिल्ला अस्पतालमा चैत २४ गते गरिएको र घटनाको अनुसन्धान थालिएको जिल्ला प्रहरी कार्यालयका इन्स्पेक्टर इन्द्रजीत सुनारले जानकारी दिनु भयो ।
उजुरी दर्ता भएदेखि नै आरोपितलाई निगरानीमा राखिएको र अदालतबाट पक्राउ पूर्जी लिएर गिरफ्तार गर्ने इन्स्पेक्टर सुनारले बताउनु भयो ।