४६ वर्षीया महिलालाई बलात्कार गरेको कसुरमा जिल्ला अदालतले मेन्छयायेम गाउँपालिका–६ का ५४ वर्षीय खजेन्द्रबहादुर दमाईलाई १२ वर्ष कैद सजायको फैसला गरेको छ ।
न्यायाधीश महेन्द्रप्रसाद पोखरेलको फागुन २६ गतेको इजालसले कसुर गरेको ठहर गर्दै १२ वर्ष कैद सजायसँगै १ लाख जरिबानाको फैसला गरेको अदालका श्रेस्तेदार पारशमणि पोखरेलले इन्सेक प्रतिनिधिसँगको फोन सम्पर्कमा बताउनुभयो ।
पीडित महिलालाई आरोपितले ०७८ कात्तिक १७ गते बलात्कार गरेको आरोपमा पीडित पक्षले आरोपितविरूद्ध कात्तिक १८ गते जिल्ला प्रहरी कार्यालयमा उजुरी दिएको थियो ।
पीडित पक्षको उजुरीका आधारमा आरोपितलाई प्रहरीले ०७८ मङ्सिर ८ गते गिरफ्तार गरी जिल्ला अदालतमा मङ्सिर २७ गते बलात्कार शीर्षकमा मुद्दा गरेको थियो ।
जिल्ला अदालतको ०७८ पुस ९ गतको आदेशमा आरोपित पुर्पक्षका लागि थुनामा थिए ।
पीडितको स्वास्थ्य परीक्षण जिल्ला अस्पतालमा कात्तिक १८ गते गरिएको थियो ।