सात वर्षीया बालिकालाई बलात्कार गरेको कसुरमा जिल्ला अदालतले अर्जुधारा नगरपालिका–३ का ४२ वर्षीय राजकुमार सार्कीलाई जन्मकैदको सजायको फैसला सुनाएको छ ।
न्यायाधीश गिरीराज गौतमको पुस १८ गतेको इजलासले कसुर गरेको ठहर गर्दै कैद सजायको आदेश भएको अदालतका श्रस्तेदार वीरेन्द्रकुमार बस्नेतले बताउनु भयो ।
पीडित बालिकालाई आरोपितले ०७८ साउन १६ गते बलात्कार गरेको आरोपमा पीडित पक्षले आरोपितविरूद्ध साउन १७ गते इलाका प्रहरी कार्यालय अनारमनीमा उजुरी दिएको थियो ।
पीडित पक्षको उजुरीका आधारमा आरोपितलाई प्रहरीले सोही दिन गिरफ्तार गरेको थियो । जिल्ला अदालतको ०७८ भदौ ९ गतेको आदेशमा आरोपित पुर्पक्षका लागि थुनामा थिए ।
पीडित बालिकाको स्वास्थ्य परीक्षण मेची अस्पतालमा ०७८ साउन १७ गते गरिएको थियो ।