१५ वर्षीया बालिकालाई ०७७ माघ २० गते बलात्कार गरेको आरोपमा बनगाड कुपिण्डे नगरपालिका–९ गिठाचौरका २४ वर्षीय लालबहादुर बोहराले बलात्कार गरेको भन्दै पीडित पक्षले मङ्सिर ९ गते जिल्ला प्रहरी कार्यालय सल्यानमा उजुरी दिएको छ ।
पीडित बालिकाको स्वास्थ्य परीक्षणका क्रममा मङ्सिर १ गते डाक्टरले सोधेपछि बलात्कार भएको घटना बाहिर आएको जिल्ला प्रहरी कार्यालय सल्यानका इन्स्पेक्टर श्यामप्रसाद यादवले जानकारी दिनुभयो ।
पीडित बालिकाका परिवारले घटना थाहा पाउने बित्तिकै प्रहरीलाई खबर गरेको थियो । घटनापछि आरोपित फरार रहेको र खोजी कार्य जारी रहेको प्रहरीले जनाएको छ ।
पीडित बालिकाको स्वास्थ्य परीक्षण सल्यान अस्पतालमा मङ्सिर ९ गते गरिएको छ ।