१७ वर्षीया बालिकालाई बलात्कारपछि हत्या गरेको भन्दै पीडित पक्षले १७ वर्षीय बालकविरुद्ध जिल्ला प्रहरी कार्यालय नवलपरासी (बर्दघाट सुस्ता पूर्व) मा साउन २४ गते उजुरी दिएका छन् ।
पीडितलाई आरोपितले ०७८ साउन २२ गते साँझ बलात्कार गरेपछि हत्या गरेको भन्दै पीडित पक्षले आरोपितविरुद्ध जिल्ला प्रहरी कार्यालय नवलपरासी (बर्दघाट सुस्ता पूर्व) मा उजुरी दिएका थिए ।
पीडित पक्षले जिल्ला प्रहरी कार्यालय नवलपरासी (बर्दघाट सुस्ता पश्चिम) मा दर्ता गराएको उजुरी साउन २४ गते जिल्ला प्रहरी कार्यालय नवलपरासी पूर्वमा दर्ता गरिएको डिएसपी दिलिप गिरीले बताउनुभयो ।
घटनापछि पीडितको स्वास्थ्यमा समस्या देखिएपछि उनलाई उपचारको लागि पश्चिम नवलपरासी स्थित शहिद स्मृति सामुदायिक अस्पताल चौपत्ता लग्दा उनलाई चिकित्सकले मृत घोषण गरेको मृतकका बुबाले बताउनुभयो ।
घटनापछि फरार रहेका आरोपितको खोजि कार्य भइरहेको जिल्ला प्रहरी कार्यालय नवलपरासी (बर्दघाट सुस्ता पूर्व) का डिएसपी गिरीले बताउनुभयो ।
मृतकको पोष्टमार्टम लुम्बिनी प्रादेशिक अस्पताल रुपन्देहीमा साउन २४ गते भएको छ ।