१३ वर्षीया बालिकालाई बलात्कार गरेको आरोपमा पीडित पक्षले १७ वर्षीय बालकविरुद्ध जिल्ला प्रहरी कार्यालय नवलपरासी (बर्दघाट सुस्ता पूर्व)मा असार २७ गते उजुरी दिएका छन् ।
पीडितलाई आरोपितले असार १३ गते बलात्कार गरेको भन्दै पीडित पक्षले आरोपितविरुद्ध जिल्ला प्रहरी कार्यालयमा असार २६ गते मौखिक उजुरी दिएका थिए ।
सोही उजुरीका आधारमा प्रहरीले आरोपितलाई असार २६ गते गिरफ्तार गरी घटनाको अनुसन्धान गरिरहेको जिल्ला प्रहरी कार्यालय नवलपरासी (बर्दघाट सुस्ता पूर्व)का सव–इन्स्पेक्टर टिकाराम पोखरेलले बताउनुभयो ।
पीडितको स्वास्थ्य परीक्षण असार २६ गते भरतपुर जिल्ला अस्पताल चितवनमा भएको छ ।