बौद्धिक अपाङ्गता भएकी २६ वर्षीया महिलालाई बलात्कार गरेको कसुरमा जिल्ला अदालतले मादी नगरपालिका–४ का २८ वर्षीय गोकुल भुजेललाई सात वर्ष कैद सजायको फैसला सुनाएको छ ।
न्यायाधीश शान्तिप्रसाद आचार्यको चैत १ गतेको इजलासले कसुर गरेको ठहर गर्दै ७ वर्ष कैद सजायको फैसला सुनाएको अदालतका श्रेस्तेदार कविराज राउतले इन्सेक प्रतिनिधिसँगको फोन सम्पर्कमा बताउनु भयो ।
मुलुकी अपराध संहिता २१९ (३) क बमोजिम पीडितले पाउने गरी कसुरदारबाट क्षतिपूर्तिवापत २ लाख रुपियाँ असुल गर्न आदेश भएको अदालतका श्रेस्तेदार राउतले बताउनु भयो ।
पीडित महिलालाई आरोपितले ०७७ पुस २७ गते बलात्कार गरेको आरोपमा पीडित पक्षले आरोपितविरूद्ध पुस २५ गते इलाका प्रहरी कार्यालय चैनपुरमा उजुरी दिएको थियो ।
पीडित पक्षको उजुरीका आधारमा आरोपितलाई प्रहरीले पुस २८ मादी नगरपालिका –४ बाट गते गिरफ्तार गरी जिल्ला अदालत चैनपुरमा पुस २९ गते बलात्कार शीर्षकमा मुद्दा दर्ता गरी कारबाही अघि बढाएको थियो ।
पीडित महिलाको स्वास्थ्य परीक्षण प्राथमिक स्वास्थ्य केन्द्र चैनपुरमा माघ १ गते गरिएको थियो ।