१५ वर्षीया बालिकालाई यौन दुर्व्यवहार गरेको घटनाका आरोपित सिरहा नपा–५ का २५ वर्षीय श्याम सदाविरूद्धको मुद्दा जिल्ला अदालत सिरहाले फागुन १९ गते मुल्तबीमा राख्ने फैसला गरेको छ ।
न्यायाधीश पुष्पराज थपलियाको इजलासले सो फैसला गरेको हो । आरोपित घटनापछि हालसम्म फरार रहेकाले मुद्दा मुल्तबीमा राखिएको अदालतले जनाएको छ ।
पीडित बालिकालार्ई आरोपितले ०७६ असोज २८ गते यौन दुर्व्यवहार गरेको आरोपमा पीडित पक्षले जिल्ला प्रहरी कार्यालय सिरहामा कात्तिक ३ गते उजुरी दिएको थियो ।
पीडित बालिकाको स्वास्थ्य परीक्षण जिल्ला अस्पताल सिरहमा कात्तिक ३ गते गरिएको थियो । जिल्ला प्रहरी कार्यालय सिरहाले आरोपित फरार रहेकोले खोजतलास गरिरहेको जनाएको छ ।