२१ वर्षीया महिलालाई ०७६ फागुन १० गते बलात्कार गरेको आरोपमा प्रहरीले खडक नपा–७ कल्याणपुरका २५ वर्षीय मो. समरुद्दिन मियाँलाई ०७७ फागुन १९ गते गिरफ्तार गरेको छ ।
घटनापछि फरार रहेका आरोपितलाई इलाका प्रहरी कार्यालय कल्याणपुरले गिरफ्तार गरी जिल्ला प्रहरी कार्यालय ल्याएको र आवश्यक कारवाही प्रक्रिया अगाडि बढाइएको डिएसपी भुवनेश्वरप्रसाद साहले जानकारी दिनु भयो ।
आमासँगै जिल्ला प्रहरी कार्यालय पुगेकी पीडितले दिएको उजुरी जिल्ला प्रहरी कार्यालयले ०७७ माघ ९ गते दर्ता गरेको थियो ।
खडक नपा–६ स्थित पूर्व–पश्चिम राजमार्गदेखि उत्तर कल्याणपुर–गाइघाट जाने उत्तर–दक्षिण सडकको पूर्वतर्फ रहेको आँपको बगैँचामा ०७६ फागुन १० आरोपितले बलात्कार गरेको पीडित पक्षको आरोप छ ।
पीडित महिलाको स्वास्थ्य परीक्षण गजेन्द्रनारायण सिंह अस्पताल राजविराजमा माघ ९ गते गरिएको छ ।