कोभिड–१९ को सङ्क्रमणसम्बन्धी दैनिक अपडेट (फागुन १ गते)

फागुन १ गते ५७ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ७२ हजार ६ सय १४ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा १ हजार ९ सय ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख ६८ हजार ९ सय २९ जना निको भएका छन् । फागुन १ गते १ सय ३३ जना निको भएका छन् भने निको हुनेको दर ९८.७ प्रतिशत रहेको मन्त्रालयले जनाएको छ । फागुन १ गतेसम्म २ हजार ५४ जना कोभिड सङ्क्रमितको मृत्यु भएको मन्त्रालयले जनायो । फागुन १ गते कोभिड सड्ड्क्रमितको मृत्यु नभएको मन्त्रालयले जनाएको छ । १ हजार ६ सय ३१ जना सक्रिय सङ्क्रमित रहेकामा ६ सय ४९ जना होम आइसोलेशनमा छन् । उपचाररतमध्ये ५६ जनाको उपचार आइसीयूमा र १७ जनाको उपचार भेण्टिलेटरमा भइरहेको छ । मन्त्रालयका अनुसार भोजपुर, सङ्खुवासभा, सोलुखुम्बु, मुस्ताङ, रुकुम पश्चिम, मुगु र अछाममा सक्रिय सङ्क्रमित छैनन् भने काठमाडौँमा ५ सयभन्दा बढी सक्रिय सङ्क्रमित छन् ।