१५ वर्षीया बालिकालाई बलत्कार गरेको आरोपमा प्रहरीले जोरायल गाउँपालिका–५ गडसेरा अस्थायी प्रहरी चौकीमा कार्यरत २४ वर्षीय प्रहरी जवान सुशील सिँहलाई कात्तिक १७ गते चुरे गाउँपालिका–१ कैलालीबाट गिरफ्तार गरेको छ ।
पीडित बालिकालाई आरोपितले कात्तिक १३ गते बलत्कार गरेको आरोपमा पीडित पक्षले कात्तिक १७ गते जिल्ला प्रहरी कार्यालय डोटीमा उजुरी दिएको थियो ।
पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालय कार्यालय डोटीका इन्स्पेक्टर कान्तिराज जोशीले इन्सेक जिल्ला प्रतिनिधिलाई फोनबाट जानकारी दिनु भयो ।
पीडित बालिकाको स्वास्थ्य परीक्षण स्वास्थ्य कार्यालय डोटीमा कात्तिक १७ गते गरिएको छ ।