नेत्रविक्रम चन्द (विप्लव) नेतृत्वको प्रतिबन्धित नेकपा, बागलुङका जिल्ला सचिव ३२ वर्षीय रामबहादुर कुँवर (नविन) लाई जिल्ला प्रहरी कार्यलय बागलुङले मङ्सिर २३ गते जिल्ला अदालत बागलुङबाट पुनः गिरफ्तार गरेको छ ।
असोज ७ गते गिरफ्तार गरेर अनुसन्धान गरिरहेका कुँवरलाई मङ्सिर २३ गते जिल्ला अदालत बागलुङले १५ हजार रुपियाँ धरौटीमा रिहा गर्न आदेश दिएको थियो ।
तर, अदालतको आदेशको अवेज्ञा गर्दै जिल्ला प्रहरी कार्यलय बागलुङले कुँवरलाई अदालत परिसर बागलुङबाट पुनः गिरफ्तार गरेको हो ।
प्रतिबन्धित नेकपाका जिल्ला सचिव समेत रहेका कुँवरलाई स्थानीय व्यवसायीहरूलाई डर धम्की देखाएर चन्दा असुली गर्ने, जिल्लाका विभिन्न स्थानमा एनसेल टावरमा भएको आगलागीमा संलग्नता रहेको आरोप प्रहरीले लगाएको छ ।