तीन वर्षीया बालिकालाई बलात्कार गरेको आरोपमा मुद्दा चलाइएका भारत पूर्वी चम्पारहण घर भइ भारतीय ट्रकमा काम गर्ने १९ वर्षीय जाहिर आलमलाई जिल्ला अदालतले १६ वर्ष कैदको फैसला सुनाएको छ ।
न्यायाधीश प्रकाशकुमार अधिकारीको इजलासले असोज ६ गते उक्त फैसला सुनाएको चितवन जिल्ला अदालतका श्रेष्तेदार रुद्रमणी गिरीले बताए ।
भरतपुर महानगरपालिका-२९ जुगेडीमा ०७५ असोज १४ गते राति खाना खाने क्रममा एक होटल सञ्चालककी छोरीलाई बलात्कार गरेको भन्दै असोज १५ गते जिल्ला प्रहरी कार्यालयमा पीडितका बाबुले उजुरी दिएका थिए । आरोपितलाई प्रहरीले असोज १५ गते गिरफ्तार गरेको थियो ।