२६ वर्षीया महिलालाई प्रलोभन देखाएर बलात्कार गरेको आरोपमा पीडित पक्षले रोल्पा जिल्ला त्रिवेणी गाँउपालिका–५ जुगार घर भई घोराही उपमनपा–१४ बस्ने २२ वर्षीय पीमलाल घर्तीविरूद्ध वैशाख ४ गते जिल्ला प्रहरी कार्यालयमा उजुरी दर्ता गराएको छ ।
पीडित पक्षले दिएको उजुरी अनुसार आरोपितले पीडित महिलालाई ०७५ फागुन ५ देखि २२ गतेसम्म लगातार बलात्कार गरेको प्रहरीले जनाएको छ ।
पीडितपक्षको उजुरी आएपछि आरोपित फरार रहेको र खोजी भइरहेको जिल्ला प्रहरी कार्यालयका एसपी बेलबहादुर पाण्डेले बताए ।
पीडित महिलाको स्वास्थ्य परीक्षण वैशाख ४ गते राप्ती स्वास्थ्य विज्ञान प्रतिष्ठान घोराहीमा गरिएको प्रहरीले जनायो ।