नेत्रविक्रम चन्द (विप्लव) नेतृत्वको नेकपाको भातृ सङ्गठन दलित मुक्ति मोर्चा पर्वतका जिल्ला संयोजक ३५ वर्षीय विष्णु परियारलाई प्रहरीले चैत १७ गते गिरफ्तार गरेको छ ।
कुश्मा नपा–८ बस्ने परियारलाई कुश्मा नपा–१२ ठूलिपोखरीबाट गिरफ्तार गरेको प्रहरीले जनाएको छ । ठूलिपोखरीलगायतका क्षेत्रमा सङ्गठन विस्तार गर्दै हिँडेको आरोपमा विष्णु परियारलाई अस्थायी प्रहरी चौकी ठूलिपोखरीबाट खटिएको टोलीले गिरफ्तार गरेको जिल्ला प्रहरी कार्यालयका इन्स्पेक्टर रविन्द्र श्रेष्ठले जानकारी दिए ।
गिरफ्तार गरिएका परियारलाई जिल्ला प्रहरी कार्यालय, पर्वतको हिरासतमा राखेर अनुसन्धान गरिरहेको प्रहरीले जनाएको छ ।